مرحبا جميعاً ..
امسي وأصبح عليكم بالخير ..
البلوج عبارة عن شخصية الناس اللي يحطون معلومات فيه .. يعني بلوجك شخصيتك
مساع وانا أحوس بالبلوجات لقيت كذا شغلة وحبيت أشارك متابعين البلوج مالي فيها
مدونة واحد أسمه (بلوق عمتي) حاط تعليق مال أبو الحروف مال برنامج المناهل ..بس بطريقة يعبر عن رايه الشخصية إتجاه اشخاص معيين
وهذه اهي الصورة
+++++++++++++++++++++++++++++++++++++++
أما البلوج الثاني فهو مال واحد إسمه ابو جيج ..
اللي شدني إن حاط بوستر إعلان ندوة تحت شعار "أين تذهب هذا المساء" شسالفة صارت الانتخابات جذي ؟
لا والغريب أن مطعم لبناني حاط نفس خط والوان بوستر النائب على الراشد
اترككم مع الصورة
++++++++++++++++++++++++++++++++++++++++
المدونة الثالثة لوحدة اسمها شلالات
مسكينة هالبنت حالتها صعبة .. شايلة ضروس العقل ومنغضة من المتان اللي يلبسون لبس مو لبسهم ..
بصراحة عندها حق أشكال غريبة عجيبة قاعد نشوفها في كل مكان من دوام ومن جامعة ومن مجمعات
ياناس ارحموا الذوق العام .. شنو وحدة كبر الكبت لابسه بدي لا وابيض بعد علشان صج يبين المتن .
أستغفر الله
