ظاهرة الخز في الكويت زايده وايد خصوصاً في الآونة الأخيرة...لاحظت ان الكل يخزتدخل المرينا من صوب فيرجن اتلاقي اللي قاعدين بالقهوة على اليمين يخزون.....تنحاش من هالمدخل تاخذ قطوع اتلاقي القهاوي اللي بالسنتر كلهم يخزون..في البدايه قمت أشك في نفسي أقول اخاف اناشكلي غلط!!! بس اكتشفت ان الخز يشمل الانسان الطبيعي في ملبسه والغير طبيعي...والخز تتراوح مدته من ثانية الى دقايق...الواحد بصراحه مو عارف يمشي بسوق او يقعد بقهوةاو يتعشى بمطعم...المهم من تجربتي المتواضعه في ظاهرة الخز اكتشفت عدة خزات كل وحده فيهمتحمل معنى انا حسيت فيه سواء الخزة كانت لي أو لغيري
...
الخزة الطايرة : هذي خزة مستعيله بس فيها تبحلق
* الخزة المستائه : هذي خزة اللي يطالعك من فوق لي تحت .. تشعر الانسان المخزوز بالاستياء والتحقير من شأنه*
خزة الحرة : لما تكون المخزوزة حدها كاشخه واللي خازتها ماتدري انها بتكشخ كل هالكشخه*
خزة الشهقه : لما تشوف انسان مو متوقع تشوفه بهالمكان.
*خزة البلوتوث : هذي اتلاقونها وايد في قهاوي سوق السالمية الأحمر*
خزة السهوه : عينك تطيح على موقف وتنسى تشيل عينك.وتطول المده مما يؤدي الى ارتخاء في عضلاتالوجه مع حدوث فرجه واسعه بالفم
*خزة الطراق : لما يصير موقف غلط والخاز وده يعطيج اطراق بس مو عارف
.
*خزة الناظرة : هذي الخزة تستخدمها الأم كثيراً خصوصا لما اتعيز توصي على سالفه مانقولها جدام الناسوأاول مانقعد في المقعد
نبطها .
* خزة الفطيس : لما تدخل مكان فاطس من الريحه واللي فيه مو حاسين بشي*
خزة اليوع : هذي الخزة اتخزينها ريلج لما تكونين ميته يوع ومواعدج يعيشيج بره , و بكل برود يقولجدام أمه اللي اهي خالتج: يما : تعالي تعشي ويانا
*خزة اللوري : لما تكونين واقفه بالاشارة وجدامج لوري امحمل فيه عمال .واخذي عاد من الخزات اللي مالها تعريف.
أكثر الكلمات إستعمالاً أثناء الخز
في شي ولد عمي ؟ -
شكو تخز اللي تصير لي ؟-
عسى ماشر ؟ مو تارسين عينيك ؟ -
شكو تخزين مو عاجبج ؟ طقي راسج بالطوفه عمه بعينج ؟-
No comments:
Post a Comment